ደባርቅ ዩኒቨርሲቲ ከደረጃ ዶት ኮም (dereja.com) ጋር አብሮ ለመስራት የሚያስችል ስምምነት(MoU) ተፈራረመ

ደባርቅ ዩኒቨርሲቲ የinfo mind Solutions PLC እህት ኩባንያ ከሆነው በተመራቂ ተማሪዎች ስራ ፈጠራና ቅጥር ዙሪያ ከሚሰራው ማህበራዊ

ኢንተርፕራይዝ dereja.com ጋር በጋራ ለመስራት የሚስችል የመግባቢያ ስምምነት መፈራረሙን የደባርቅ ዩኒቨርሲቲ ተ/ፕሬዚዳንት ዶ/ር አስማማው ዘገዬ ገልጸዋል፡፡

ስምምነቱ ከደባርቅ ዩኒቨርሲቲ በተለያዩ ሙያዎች የሚመረቁ ተማሪዎችን በሥራ ዝግጁነት እና የቅጥር ክህሎቶችን በማሳደግ ምሩቃን ተገቢውን ግንዛቤ እንዲጨብጡ በማድረግ በስራ ገበያው ተወዳዳሪ እንዲሆኑ ያለመ መሆኑን ዶ/ር አስማማው አያይዘው ገልፀዋል፡፡ ለተመራቂ ተማሪዎች የመቀጠር ክህሎት እና የስራ ዝግጁነት ስልጠና፤ለተመረጡ መምህራን ደግሞ በመቀጠር ችሎታ በሥራ ዝግጁነት ዙሪያ የአሰልጣኞች ስልጠና ፤ ለአዲስ ገቢ ተማሪዎች የሙያ አቅጣጫ ጠቋሚ (Career Compass) ፣ሶፍት ክህሎት (Soft Skills) ፣ዲጂታል ክህሎት እንዲሁም የእንግሊዝኛ ቋንቋ ስልጠናዎችን የሚሰጥ መሆኑን ማወቅ ተችሏል፡፡

ድርጅቱ የተማሪዎችን የረዥም ጊዜ ሙያዊ እድገት የሚደግፍ የሙያ ክበብ እና የሙያ ማጎልበቻ ማዕከል እንዲቋቋም የተለያዩ ድጋፎችን የሚያደርግ መሆኑም ታውቋል፡፡ ትብብሩ የዩኒቨርሲቲውን የሙያ ማጎልበቻ ማዕከል የበለጠ የሚያሳድግበት ሁኔታ ያለ ሲሆን በዚህም በደረጃ ድህረ-ገጽ (Dereja.com) ተመራቂ ተማሪዎች ሙያዊ ግለ-ታሪክ (professional resume or CV) የሚያዘጋጁበት፣የመስመር ላይ ስልጠና የሚያገኙበት፣ ከብቃታቸው ጋር የሚጣጣሙ የስራ እድሎችን የሚያስሱበት ዕድል ይፈጥርላቸዋል፡፡

በዩኒቨርሲቲው በኩል በመግባቢያ ስምምነቱ የተጠቀሱትን ተግባራት በዋነኝነት እየተከታተለ የሚያስፈፅመው የዩኒቨርሲቲው ደሊቨሮሎጅና የመምህራን ልማት ማስተባበሪያ ጽ/ቤት መሆኑን መገንዘብ ተችሏል፡፡

መስከረም 30/2017 ዓ.ም

የህዝብና አለም አቀፍ ግንኙነት ስራ አስፈፃሚ

Debark University is implementing an initiative to enhance e-learning as part of the Ministry of Education’s e-Learning to Strengthen Higher Education (e-SHE) project. This multi-stakeholder initiative is being implemented by the ministry in partnership with the Mastercard Foundation, Arizona State University, Shayashone PLC, and 50 Ethiopian public universities.

Mr. Sewalem Muluye, Director of the Academic Programs Directorate, announced that the university has introduced its e-learning strategy to key academic leaders. To support this, the university plans to revise its senate legislation, expand digital classrooms, enhance Wi-Fi access, and provide institutional email accounts for all undergraduate students.

Mr. Wube Belay, ICT Executive Director, confirmed that preparations are on track, with email accounts set up for both staff and students, and two staff members trained to manage the initiative.

Mr. Habtamu Tariku, Head of Information Technology Depertmentv and e-SHE Coordinator, noted that many staff have completed training and certification. Moreover he remind that in the next semester, students will complete the Student Success Suite (SSS) course before starting regular classes. Multimedia content has been developed for online courses, including subjects like Emerging Technology and Mathematics.

Mr. Habtamu stressed the importance of further staff training to enhance online course delivery and urged department heads to encourage student enrollment in the SSS course.

October 8, 2024

Office of Public and International Relations

For the latest updates and captivating content, be sure to follow us

በደባርቅ ዩኒቨርሲቲ ተፈጥሮ ቀመር ሳይንስ ኮሌጅ በኢንፎርሜሽን ቴክኖሎጅ ትምህርት ክፍል መምህራን አማካኝነት ‘Laboratory Information Management System’ በሚል የበለፀገ ሶፍትዌር ነሀሴ 20/2016 ዓ.ም የዩኒቨርሲቲው ፕሬዚዳንት ጽ/ቤት ኃላፊ እና የአካ/ምር/ማ/ሰብ/አገ/ቴክ/ሽግ/ተወካይ ም/ፕሬዚዳንት ዶ/ር ጋሻው ግስሙን ጨምሮ ለስራው ቅርበት ያላቸው ዳይሬክተሮች፣ዲኖች፣ትምህርት ክፍል ኃላፊዎች፣አስተባባሪዎች እና የቤተ-ሙከራ ክፍል ተጠሪዎች በተገኙበት ተዋውቋል፡፡

የበለፀገው ሶፍትዌር ስራ ላይ ከመዋሉ በፊት በሚመለከታቸው አካላት አስተያየትና ግብአት የበለጠ መዳበር እንደሚገባው በማሰብ የተዘጋጀ ወይይት መሆኑን በማስታወስ፤ፕሮጀክቱ ተጠናቆ ወደ ስራ ሲገባ በቤተ-ሙከራ ክፍል ቁሳቁሶች አካባቢ የሚታየውን የአያያዝ ጉድለት ከማረም ባሻገር ቴክኖሎጅውን በማላመድ የዲጅታላይዜሽን ሂደቱን በማፋጠን እና የማንዋል ስርዓቱን በማስቀረት ረገድ አይነተኛ ሚና የሚኖረው መሆኑን የአካዳሚክ ዳይሬክቶሬት ዳይሬክተር መ/ር ሰዋለም ሙሉዬ የውይይቱን መርሃ-ግብር ባስጀመሩበት ወቅት ገለፀዋል፡፡የሶፍትዌሩ ትውውቅ በመምህራን ከቀረበ በኋላ፤ በሶፍትዌሩ መካተት ስለሚገባቸው ተጨማሪ አሰራሮችና ጉዳዮች በርካታ አስተያየቶች ተሰጥቷል፡፡

በተያያዘ ዜና በኢፌዲሪ ትምህርት ሚኒስቴር ‘University-Led Implementation of e-SHE’ በሚል ወደ ስራ የገባው የመምህራን የ ‘e-learning’ ስልጠና ከተሰጠው ዕቅድ አንፃር ደባርቅ ዪኒቨርሲቲ ባለበት የአፈፃፀም ሁኔታ ዙሪያ ውይይት ተደርጓል፡፡ በውይይቱ ስልጠናውን ውጤታማ ለማድረግ የቴክኖሎጅ መሰረት ልማት ማስፋፋት ቅድሚያ ትኩረት ተሰጥቶት መሰራት እንዳለበት ተመላክቷል፡፡

በውይይቱ መጨረሻ ንግግር ያደረጉት ዶ/ር ጋሻው ግስሙ ሶፍትዌሩን በማበልፀግ በፕሮጀክቱ ለተሳተፉ መምህራን ምስጋና አቅርበው የዲጅታላይዜሸን አሰራርና ስርዓትን በሌሎች የስራ ክፍሎች በተለይም በንብረት ክፍል ለመተግበር በቀጣይ ሰፊ ስራ እንደሚሰራ አስታውሰው፤በመማር ማስተማሩም የዲጂታላይዜሸንና e-learning ትግበራ የምርጫ ጉዳይ ሳይሆን ግዴታ መሆኑን በመረዳት ሁሉም መምህራን ከወዲሁ ሊዘጋጁ እንደሚገባ በአፅኖት አሳስበዋል፡፡

ነሐሴ 23/2016 ዓ.ም

የህዝብና አለም አቀፍ ግንኙነት ስራ አስፈፃሚ