በዝግጅቱ ተገኝተው ንግግር ያደረጉት የአካዳሚክ፣ ምርምር፣ ቴክኖሎጂ ሽግግር እና ማህበረሰብ አገልግሎት ም/ል ፕሬዚዳንት ዶ/ጋሻው ግስሙ ተማሪዎች የባህል ቀን ማክበራቸው የመጡበትን ባህል የሚያስተዋውቁበት እና የባህል የብዝሃነትን የሚረዱበት እድል የሚፈጥር መሆኑን በመጥቀስ የህይወታቸው አንዱ መልካም አጋጣሚ አድርገው ሊወስዱት እንደሚገባ ተናግረዋል ።

ዩኒቨርሲቲው በቀጣይ የባህል ማዕከል ለማቋቋም እየሰራ መሆኑን ያከሉት ዶ/ር ጋሻው ፤ ባህልን በማስተዋወቅ በኩል በትኩረት እንደሚሰራ አብራርተዋል።

በዕለቱ በዓሉን አስመልክቶ የአንትሮፖሎጂ ትምህርት ክፍል ኃላፊ መ/ር ወርቅነህ ሰማቸው ባህልን የተመለከተ ፅሁፍ ያቀረቡ ሲሆን የባህል ቀኑ የኢትዮጵያን ብዝሃነት በሚያሳዩ የተለያዩ የብሔር ብሔረሰቦች ዘፈን፣ግጥም፣መነባንብ እና በሌሎች ተማሪዎች ባዘጋጇቸው የጥበብ ዝግጅቶች በድምቀት ተከብሮ ውሏል።

በተያያዘ በዩኒቨርሲቲው ለመጀመሪያ ጊዜ የተከበረውን የቱሪዝምና ሆቴል ሳምንት እና የባህል ቀን አስመልክቶ በሴት ተማሪዎች መካከል ሁለተኛውና የመጨረሻው ዙር የቁንጅና ውድድር(Miss Debark University)የተካሄደ ሲሆን ውድድሩን የ2ተኛ ዓመት የጋዜጠኝነትና ኮሙኒኬሽን ተማሪ ማህደር ገብረሃና በአንደኝነት አጠናቅቃለች።

ሰኔ 2/2017 ዓ.ም

የህዝብና አለም አቀፍ ግንኙነት ስራ አስፈፃሚ

The post የደባርቅ ዩኒቨርሲቲ ተማሪዎች የባህል ቀን(Culture Day) አከበሩ first appeared on ደባርቅ ዩኒቨርሲቲ.

በመርሃ ግብሩ የመክፈቻ ንግግር ያደረጉት የአካ/ም/ቴክ/ሽግ/ማ/አገ ም/ፕሬዚዳንት ዶ/ር ጋሻው ግስሙ ቱሪዝምና ሆቴል ማኔጅመንት የዩኒቨርሲቲው አንዱ የልህቀት ማዕከል መሆኑን አውስተው “ዋልያን በትኩረት እንጠብቅ” በሚል መሪ ቃል የቱሪዝምና ሆቴል ሳምንትን ማክበር ኢኮኖሚያዊ፣ ማህበረሰባዊና ትምህርታዊ ፋይዳው ላቅ ያለ ነው ብለዋል። በቀጣይ ከአጋርና ባለድርሻ አካላት ጋር በጋራ ሰፊ የቱሪዝም ንቅናቄ እና የካባቢ ጥብቃ ስራ እንደሚሰራ ዶ/ር ጋሻው አክለው ገልፀዋል።

ከግንቦት 30- ሰኔ 1/2017 ዓ.ም የሚካሄደው

የቱሪዝምና ሆቴል ሳምንት ዝግጅት የአካባቢውን ሰው ሰራሽና የተፈጥሮ ፀጋ የሚቃኝ (poster presentation)፣የፎቶ አውደ ርዕይ፣የምግብ ዝግጅት፣ የጥያቄና መልስ ውድድርና የቁንጅና ውድድር፣ የግጥም እና ሙዚቃ ክንውኖችን እንዳካተተ ለመረዳት ተችሏል።

ሰኔ 1/2017 ዓ.ም

የህዝብና አለም አቀፍ ግንኙነት ስራ አስፈፃሚ

The post የቱሪዝምና ሆቴል ማኔጅመንት ተማሪዎች የመጀመሪያውን የቱሪዝምና ሆቴል ሳምንት እያካሄዱ ነው first appeared on ደባርቅ ዩኒቨርሲቲ.

ዩኒቨርሲቲው በመደበኛው በቅድመ ምረቃ መርሃ-ግብር ለስድስተኛ ጊዜ በድህረ-በምረቃ መርሃ-ግብር ለመጀመሪያ ጊዜ ያሰለጠናቸውን ተማሪዎች የካቲት 29/2017 ዓ.ም በደማቅ ስነ-ስርዓት አስመርቋል፡፡ በቅድመ ምረቃ መርሃ-ግብር በአራት ኮሌጆች በ24 ትምህርት ክፍሎች 410፣ በድህረ-ምረቃ መርሃ-ግብር በቱሪዝምና ሆቴል ማኔጅመንት 6፣ በPGDT 115፣ በHDP 29 በአጠቃላይ 560 ተማሪዎችን ማስመረቁ ታውቋል፡፡

በምረቃው ስነ-ስርዓት የአማራ ብሄራዊ ክልላዊ መንግስት ፕላንና ልማት ቢሮ ከፍተኛ አማካሪ ዶ/ር ሙሉቀን አዳነ፣የአማራ ብሄራዊ ክልላዊ መንግስት ግብርና ቢሮ አማካሪ አቶ ግዛት አብዩ፣ የኢትዮጵያ ፕሮፌሰሮች ማህበር አባል፣ሲኔር ተመራማሪ እና የደባርቅ ዩኒቨርሲቲ ስራ አመራር ቦርድ ምክትል ሰብሳቢ ፕሮፌሰር አለማየሁ ቢሻው፣ የሰሜን ጎንደር ዞን አስተዳዳሪ ዲያቆን ሸጋው ውቤ እንዲሁም በጀርመን ሀገር የጤና ሳይንስ ተመራማሪ ዶ/ር አደራጀው ዋካ በክብር እንግድነት ተገኝተዋል፡፡

በዋልያ ሙዚቃ ባንድ የደመቀው የተማሪዎች ምረቃ ስነ-ስርዓት በዩኒቨርሲቲው ፕሬዚደንቶች እና የክብር እንግዶች ዕለቱን የተመለከቱ ንግግሮች፣ በዋና ሪጅስትራር ጽ/ቤት አጭር ሪፖርት፣ከፍተኛ ውጤት ላስመዘገቡ ተማሪዎች የሜዳሊያ እና የዋንጫ ሽልማቶች የታጀበ መሆኑን ማወቅ ተችሏል፡፡

በምረቃ መርሃ-ግብሩ መጨረሻ ማርች ኤይት(March 8 ) አለም አቀፍ የሴቶች ቀንን ምክንያት በማድረግ ተመራቂ ተማሪዎች እና እንግዶች የደም ልገሳ መርሃ- ግብር አካሂደዋል::

የካቲት 29/2017 ዓ.ም

የህዝብና አለም አቀፍ ግንኙነት ስራ አስፈፃሚ

The post ደባርቅ ዩኒቨርሲቲ ተማሪዎችን በደማቅ ስነ-ስርዓት አስመረቀ first appeared on ደባርቅ ዩኒቨርሲቲ.

የኢትዮጵያ ደባርቅ ​​ዩኒቨርሲቲ እና የሶማሌላንድ የሃርጌሳ ዩኒቨርሲቲ ትምህርትን፣ ጥናትና ምርምርን እና ዘላቂ ልማትን ለማሳደግ ያላቸውን ቁርጠኝነት አጠቃላይ የመግባቢያ ስምምነት (MoU) በመፈረም ቁርጠኝነትን መደበኛ አድርገዋል። ይህ አጋርነት የጋራ እድገትን እና የእውቀት ልውውጥን በማጉላት በትብብር ተነሳሽነት አካዴሚያዊ ልቀትን እና ፈጠራን ለማሳደግ ያለመ ነው።

በስምምነቱ የተገለጹት ቁልፍ የትብብር መስኮች ባለሁለት ዲግሪ መርሃ ግብሮች መመስረት፣ የመምህራን እና የተማሪ ልውውጥ እድሎች እና የትብብር የምርምር ፕሮጀክቶች ይገኙበታል። እነዚህ ጥረቶች የተነደፉት የትምህርት ደረጃዎችን ለማሻሻል፣ የባህል ልውውጥን ለማስተዋወቅ እና አንገብጋቢ ክልላዊ እና አለም አቀፋዊ ተግዳሮቶችን ለመፍታት ነው።

በ1998 የተመሰረተው የሃርጌሳ ዩኒቨርሲቲ በሶማሌላንድ ውስጥ ትልቁ እና ከፍተኛ ደረጃ ያለው የከፍተኛ ትምህርት ተቋም ነው። በርካታ የቅድመ ምረቃ እና የድህረ ምረቃ ፕሮግራሞችን ያቀርባል እና እንደ ኪንግ ኮሌጅ ለንደን፣ ሃርቫርድ ዩኒቨርሲቲ፣ የአፍሪካ አለም አቀፍ ዩኒቨርሲቲ፣ ዩኒቨርሲቲ ኮሌጅ ለንደን እና ሌሎች የአፍሪካ ቀንድ ዩኒቨርሲቲዎች ካሉ ታዋቂ ክልላዊ እና አለም አቀፍ ተቋማት ጋር ጠንካራ የትብብር ታሪክ አለው። .

እውቀታቸውን እና ሀብቶቻቸውን አንድ በማድረግ፣ DKU እና UoH ክልላዊ እድገትን በማህበረሰብ ላይ የተመሰረቱ ፕሮጄክቶችን እና ዘላቂነትን እና ልማትን ቅድሚያ በሚሰጡ ተነሳሽነቶች ለማስኬድ አላማ አላቸው። ይህ አጋርነት ዩንቨርስቲዎቹ ወሳኝ ማህበራዊ እና አካባቢያዊ ተግዳሮቶችን በትምህርት እና በምርምር ለመፍታት ያላቸውን የጋራ ቁርጠኝነት የሚያጎላ ነው።

የመግባቢያ ሰነዱ በይፋ የተፈረመው እ.ኤ.አ. ህዳር 21፣ 2024 የሁለቱም ዩኒቨርሲቲዎች ፕሬዚዳንቶች በስፔን የትብብር ፕሮጀክት ላይ በተሳተፉበት ወቅት ነው። ይህ ታሪካዊ ስምምነት ለሁለቱም ተቋማት ክልላዊ እና ዓለም አቀፍ ትብብር አዲስ ምዕራፍን ያሳያል።

The post የደባርቅ ዩኒቨርሲቲ እና የሃርጌሳ ዩኒቨርሲቲ ለአካዳሚክ እና ምርምር ትብብር አጋርነት ፈጥረዋል። first appeared on ደባርቅ ዩኒቨርሲቲ.