ትምህርት ሚኒስቴር በከፍተኛ ትምህርት ተቋማት የትምህርት ጥራትን ለማስጠበቅ እየወሰዳቸው ካሉ የማሻሻያ (Reform) ተግባራት የቅድመ ምረቃ ተመራቂ ተማሪዎች መውጫ ፈተና (Exit Exam) አንዱ መሆኑ ይታወቃል፡፡ በ2015ዓ/ም በሁሉም

ከፍተኛ ትምህርት ተቋማት መሰጠት የተጀመረው ይህ የትምህርት ማሻሻያ ፕሮግራም ዘንድሮም ለሶስተኛ ጊዜ በመሰጠት ላይ ይገኛል::

ከዚህ ጋር ተያይዞ አሁን ለሶስተኛ ጊዜ የሚሰጠዉን የመውጫ ፈተና በተገቢው መንገድ ለመስጠት ደባርቅ ዩኒቨርሲቲ በኮምፒዩተር መፈተኛ ክፍሎች ዝግጅት እና በኢንተርኔት መሰረተ ልማት ዝርጋታ ሰፊ የቅድመ ዝግጅት ስራዎችን ሲያከናውን መቆየቱን የኢንፎርሜሽን ኮሙኒኬሽን ቴክኖሎጅ ስራ አስፈፃሚ መ/ር ውቤ በላይ አብራርተዋል፡፡ ከትምህርት ሚኒስቴር በደባርቅ ዩኒቨርሲቲ የመውጫ ፈተና አስተባባሪ አቶ ሳህለ ወይንሽት በሰጡት አስተያየት ዩኒቨርሲቲው ፈተናውን በተሳካ ሁኔታ ለመስጠት በቂ ዝግጅት ያደረገ መሆኑን በመጥቀስ፤ለተደረገው አጠቃላይ የተሟላ ቅድመ ዝግጅት ምስጋና አቅርበዋል፡፡ መውጫ ፈተናውን ሰላሳ ስድስት መደበኛ፣አንድ መቶ ሰማኒያ ስምንት የኤክስቴንሽን እና አንድ መቶ አስር ከተለያዩ ከፍተኛ ትምህርት ተቋማት የመጡ ተማሪዎች እየወሰዱ መሆኑን የሪጅስትራርና አልሙናይ ዳይሬክቶሬት ዳይሬክተር እና የመውጫ ፈተና አስተባባሪ ኮሚቴ አባል መ/ር ደረጀ ጥጋቡ ገልፀዋል፡፡

ለዩኒቨርሲቲው የኤክስቴንሽን ተመራቂ ተማሪዎች በተቋሙ መምህራን ተነሳሽነት በተዘጋጀ የማህበረሰብ አገልግሎት ፕሮፖዛል መሰረት ለአራት ወራት የዘለቀ የማጠናከሪያ ትምህርት እና ሞዴል ፈተና እንደተሰጠ የቢዝነስና ኢኮኖሚክስ ጆሌጅ ዲን መ/ር አላዛር ጥሩነህ ገልፀዋል፡፡

ሰኔ 14/2016 ዓ.ም

ከህዝብና አለም አቀፍ ግንኙነት ስራ አስፈፃሚ

የት/ሚኒስቴር ለቅድመ ምረቃ ፕሮግራም ተመራቂ ተማሪዎች የመውጫ ፈተና (Exit Exam) በበይነ-መረብ (online) ከሰኔ 14-19/2016 ዓ.ም እንደሚሰጥ ይታወቃል:: በመሆኑም የደባርቅ ዩኒቨርሲቲ ተማሪ ሆናችሁ ለመጀመሪያ ጊዜ የመውጫ ፈተና የምትወስዱ እና በደባርቅ ዩኒቨርሲቲ የፈተና ማዕከል ለመፈተን ያመለከታችሁ ተማሪዎች በወጣላችሁ የፈተና ፕሮግራም መሰረት ፈተና ከመጀመሩ 30 ደቂቃ ቀድማችሁ በተመደባችሁበት የፈተና ክፍል እንድትገኙ እናሳውቃለን፡፡

ማሳሰቢያ፡ ለበለጠ መረጃ ደባርቅ ዩኒቨርሲቲ ሬጅስትራር 0585558129 በመደወል መረጃ መጠየቅ ይቻላል፡፡

ደባርቅ ዩኒቨርሲቲ

የደባርቅ ዩኒቨርሲቲ አመራሮች፣ የሰሜን ጎንደር ዞንና የደባርቅ ከተማ አስተዳደር አመራሮች እንዲሁም የማህበረሰብ ተወካዮችና ወጣቶች በተገኙበት መድረክ የተማሪዎች ቅበላ ጥሪ እና እየተሰሩ ያሉ የቅድመ ዝግጅት ስራዎችን ለመገምገም ያለመ ሰፊ ውይይት በዩኒቨርሲቲው ክሊኒክ አዳራሽ ተደርጓል ።

በውይይቱም ዩኒቨርሲቲው 2ኛ፣ 3ኛና 5ኛ ዓመት ነባር ተማሪዎች ከጥር 15- 16/2016 ዓ/ም ለመቀበል አስፈላጊውን ዝግጅት ያደረገ መሆኑን አስታውሶ ቅበላውና በቀጣይ መማር ማስተማሩ ሰላማዊ ይሆን ዘንድ ሁሉም ባለድርሻ አካላት የሚጠበቅባቸውን ሚና እንዲወጡ መልዕክት ተላልፏል ።

በመድረኩ የሰሜን ጎንደር ዞን ዋና አስተዳዳሪ ዲያቆን ሸጋው ውቤ የተገኙ ሲሆን የተማሪዎች ቅበላና በአጠቃላይ መማር ማስተማሩ ስኬታማ እንዲሆን ከዩኒቨርሲቲው ጋር በጋራ እንሰራለን ብለዋል፡፡

የማህበረሰብ ተወካዮችና ወጣት የከተማዋ ነዋሪዎች በበኩላቸው በተማሪዎች ቅበላና ሰላማዊ መማር ማስተማር ዙሪያ ንቁ ተሳታፊ እንደሚሆኑ ቃል ገብተዋል ።

የደባርቅ ዩኒቨርሲቲ ተወካይ ፕሬዚዳንት እና የአካዳሚክ፣ምርምር፣ቴክኖሎጂ ሽግግርና ማህበረሰብ አገልግሎት ም/ፕሬዚዳንት አስማማው ዘገዪ (ደ/ር) ተማሪዎችን ለመቀበል የተለያዩ የቅድመ ዝግጅት ስራዎቸ ሲሰሩ መቆየቱን ጠቅሰው በአሁኑ ሰዓት ዝግጅቱን አጠናቅቆ ተማሪዎቹን በመጠባበቅ ላይ እንደሚገኝ ተናግረዋል፡፡

ጥር 08/2016 ዓ/ም

የህዝብና ውጭ ግንኙነት ዳይሬክቶሬት